Даналық сөздер
- «Үлкенді сен сыйласаң, кіші сені сыйлайды, кіші сені сыйласа, кісі сені сыйлайды»;
- «Аға әдепті болса, іні әдепті. Апа әдепті болса, сіңлі әдепті»;
- «Әдептің не екенін, әдепсіз адамды көргенде ұғарсың»;
- «Әдепті жігіт өсірсе, ауылдың абыройы»;
- «Жібек мінезді қыз жұртқа жағады»;
- «Қызым үйде, қылығы түзде»;
- «Егін өнбесе қайғы — бір жылдық, балаң оңбаса қайғы — ғұмырлық»;
- «Әкені көріп ұл өсер, ананы көріп қыз өсер»;
- «Бала тәрбиесі – бесіктен»;
- «Жақсы қыз жағадағы құндыз, жақсы жігіт көктегі жұлдыз.
- «Атадан жақсы ұл туса есіктегі басын төрге сүйрер.
- Атадан жаман ұл туса төрдегі басын жерге сүйрер»
- «Атаңның баласы болма, адамның баласы бол»
Отбасы құндылығынан жоғалып бара жатқан қауіп
Бауыржан Момышұлы:
- Біріншіден, бесік жырын айтатын келіндердің азайып бара жатқанынан қорқамын;
- Екіншіден, немерелеріне ертегі айтып бере алмайтын әжелердің көбейіп бара жатқанынан қорқамын;
- Үшіншіден, дәстүрді сыйламайтын балалардың өсіп келе жатқанынан қорқамын. Өйткені бесік жырын естіп, ертегі тыңдап, дәстүрді бойына сіңіріп өспеген баланың көкірек көзі көр бола ма деп қорқамын – деген екен.
Отбасы құндылығын құндақтауға қажетті ұсыныстар
- Қазақтың отбасы құндылығын жоғарғы деңгейге көтеру үшін «отбасы клубының» ұсыныстары:
- Халықтың санасына, тәрбиесіне ықпалы зор телеарна арқылы отбасы құндылықтарын насихаттайтын бейнероликтер көру;
- Отбасылық уақыттарда қазақтың салт-дәстүрі мен әдет-ғұрпын көрсететін отбасылық бағдарламаларды көріп, отбасылық талдау;
- Мектептер мен жоғары оқу орындарында отбасы құндылықтарын дәріптейтін арнайы бағдарлама түзу;
- Ұлттық салтты, дәстүрді насихаттайтын кітапшаларды көбейту;
- Отбасы құндылығын қолдайтын арнайы қор ашу;